Grænmetissúpa með linsubaunum

• 2 msk ólífuolía
• 1 stór laukur saxaður

Hitið olíuna í stórum potti (að minnsta kosti 6 lítra) við meðalháan hita og steikið laukinn þar til hann er mjúkur og glær.

• 4 hvítlauksrif pressuð eða smátt söxuð
• 2 ½ tsk gróft salt byrjið á minna, teningarnir eru saltir
• 1 tsk svartur pipar
• 1 msk þurrkað óreganó
• 1 tsk þurrkuð basilíka
• ½ tsk þurrkað timjan eða 6 greinar af fersku
• ½ tsk hvítlauksduft
• ½ tsk paprikuduft
• ¼ tsk chiliflögur allt að ½ tsk
• ¼ tsk sellerífræ allt að ½ tsk, má sleppa

Lækkið í meðalhita. Bætið hvítlauknum og öllu kryddinu út í og hrærið í nokkrar mínútur þar til ilmurinn kemur upp.

• 2,5 l vatn allt að 3 l, eftir þykkt
• 1 kjúklingateningur
• 1 nautateningur

Hellið vatninu út í og myljið teningana út í, hækkið hitann og látið suðuna koma upp.

• 4 stórar gulrætur í bitum
• 3 ½ dl sellerí saxað, um 3 stilkar
• 1 sæt kartafla flysjuð og í bitum
• 5 dl hvítkál fínt skorið
• 2 ½ dl grænar eða brúnar linsubaunir þurrar, skolaðar

Setjið gulrætur, sellerí, sætu kartöfluna, hvítkálið og linsubaunirnar í pottinn. Notið þið ferskt timjan fara greinarnar út í núna.

• 1 dós saxaðir tómatar 400 g, með safanum
• 1 dós hvítar baunir 400 g, safinn síaður frá

Bætið tómötunum með safanum og hvítu baununum út í. Lækkið í meðalhita og látið malla þar til gulrætur og sæt kartafla eru nánast mjúkar og linsurnar soðnar.

• 1 kúrbítur í bitum

Setjið kúrbítinn út í og látið malla áfram þar til hann er mjúkur.

• fersk steinselja, pestó eða rifinn parmesan

Fleytið froðu ofan af ef einhver er og veiðið timjangreinarnar upp. Smakkið til með salti og pipar og berið fram heita, með steinselju, pestói eða parmesan ofan á.