Shakshuka með hvítum baunum

• 2 msk ólífuolía
• 1 laukur smátt saxaður
• 1 stór græn paprika söxuð
• 1 rauð paprika söxuð
• 2 hvítlauksrif smátt söxuð
• 1 tsk malað kóríander
• 1 tsk paprikuduft
• ½ tsk malað kúmín (cumin)
• ½ tsk chiliflögur meira eftir smekk
• salt og svartur pipar ríflega klípa af hvoru

Hitið olíuna á stórri pönnu sem lok passar á. Setjið smátt saxaðan lauk, paprikur og hvítlauk á pönnuna, stráið öllu kryddinu yfir og steikið við meðalháan hita. Hrærið oft þar til grænmetið er orðið mjúkt.

• 2 dósir saxaðir tómatar 400 g dósir, með safanum
• 1 dós hvítar baunir 400 g, safinn síaður frá og skolaðar

Bætið tómötunum með safanum og baununum út í og látið suðuna koma upp. Lækkið hitann, setjið lokið á en skiljið eftir smá rifu, og látið malla þar til sósan hefur þykknað aðeins.

• 4 stór egg

Takið lokið af og gerið eina holu í sósuna fyrir hvert egg með bakinu á skeið. Brjótið egg í hverja holu, setjið lokið aftur á og eldið við vægan hita þar til hvítan er stíf en rauðan enn mjúk.

• ½ dl fersk steinselja söxuð
• ½ dl ferskt dill saxað

Saxið steinseljuna og dillið á meðan eggin eldast.

• ólífuolía til að dreypa yfir
• naan-brauð

Takið pönnuna af hitanum, dreypið ólífuolíu yfir og stráið kryddjurtunum yfir. Berið strax fram með naan-brauði til að dýfa í.