Rjómakennt smjörbaunakarrý

• 1 msk repjuolía eða ólífu- eða kókosolía
• 1 lítill laukur smátt saxaður

Hitið olíuna á stórri pönnu við meðalhita og steikið laukinn þar til hann er mjúkur.

• 5 hvítlauksrif rifin
• ¼ tsk salt

Bætið hvítlauknum og saltinu út í og hrærið þar til ilmurinn kemur upp.

• 2 tsk ferskt engifer rifið
• 2 msk karrý
• 2 tsk garam masala
• ½ tsk malað kóríander
• ½ tsk malað kúmín (cumin)

Hrærið engiferinu saman við og síðan öllu kryddinu. Ristið kryddið í pönnunni í eina til tvær mínútur, þar til það ilmar.

• 1 dós saxaðir tómatar 400 g
• 150 g frosið spínat eða ferskt
• 2 dósir smjörbaunir 400 g dósir, safinn síaður frá
• 1 dós feit kókosmjólk 400 ml

Setjið tómatana og frosna spínatið út í og hrærið. Bætið svo smjörbaununum og kókosmjólkinni við. Látið malla við vægan hita og hrærið öðru hvoru þar til karrýið er orðið þykkt og rjómakennt. Smakkið eftir um 10 mínútur, því karrýblöndur eru misjafnlega sterkar og saltar.

• chiliflögur eftir smekk má sleppa
• salt og svartur pipar eftir smekk

Smakkið til með chiliflögum, salti og pipar.

• basmati hrísgrjón
• kókosjógúrt
• naan-brauð
• ferskt kóríander

Berið fram með hrísgrjónum og naan-brauði, skeið af kókosjógúrt og fersku kóríander ofan á.